ప్రకాశం జిల్లాలో మళ్లీ స్వల్పంగా భూకంపం సంభవించింది. జిల్లాలోని ముండ్లమూరు, తాళ్లూరు మండలాల్లోని పలు గ్రామాల్లో నిన్న (శనివారం) స్వల్ప భూకంపం సంభవించింది. ఇవాళ (ఆదివారం) కూడా ముండ్లమూరు మండలంలో మరోసారి ఒక సెకను పాటు భూమి కంపించింది. మండల కేంద్రం ముండ్లమూరుతో పాటు సింగన్నపాలెం, మారెళ్ల గ్రామాలలో ప్రకంపనలు నమోదయ్యాయి. వరుసగా రెండవ రోజు కూడా భూప్రకంపనలు నమోదవడంతో స్థానికులు భయాందోళన చెందారు. ఇళ్ల నుంచి బయటకు పరుగులు తీశారు. అయితే, ఈ మధ్య తెలుగు రాష్ట్రాల్లో వరుసగా నమోదవుతున్న స్వల్ప భూప్రకంపనలు భయాందోళనలకు గురిచేస్తున్నాయి.
