చుట్టూ ఉన్న అక్రమ కట్టడాల వల్ల చార్మినార్ కు వారసత్వ హోదా దక్కడం లేదని… డెక్కన్ హెరిటేజ్ అకాడమీ ట్రస్ట్ చైర్మన్ వేదకుమార్
అన్నారు. పురాతన కట్టడాలను భవిష్యత్ తరాలకు అందించాల్సి బాధ్యత మన అందరిపై ఉందని అన్నారు.
నగరంలో అనేక వారసత్వ కట్టడాలు ఇతరుల చేతుల్లోకి వెళ్లిపోయాయని వేదకుమార్ అన్నారు. చారిత్రక కట్టడాల చుట్టూ 100 మీటర్ల వరకు ఎలాంటి నిర్మాణాలు చేపట్టవద్దనే నిబంధనలు ఉన్నప్పటికీ… అక్రమ నిర్మాణాలను చేపడుతూనే ఉన్నారని ఆయన అన్నారు.
ప్రపంచ వారసత్వ హోదా పొందడానికి చార్మినార్ కు అన్ని అర్హతలు ఉన్నప్పటికీ… చుట్టూ ఉన్న అక్రమ నిర్మాణాల కారణంగానే అది సాకారం కావడం లేదని తెలిపారు.

‘వరల్డ్ హెరిటేజ్ డే’ను పురస్కరించుకుని చార్మినార్ వద్ద ఆయన ‘హెరిటేజ్ వాక్’ను జెండా ఊపి ప్రారంభించారు. ఈ సందర్భంగా ఆయన మాట్లాడుతూ… పురాతన కట్టడాలు చారిత్రక ఆనవాళ్లని… వాటిని భవిష్యత్ తరాలకు అందించాల్సిన బాధ్యత అందరిపై ఉందని అన్నారు. చారిత్రక కట్టడాలను పరిరక్షించుకునేందుకు అందరం కలసికట్టుగా ఉద్యమించాలని పిలుపునిచ్చారు.